Тус сан нь мэргэжлээс шалтгаалах өвчин, хөдөлмөрийн нөхцлийн оношилгоо, шинжилгээ, судалгааны ажлыг хөхүүлэн дэмжих, энэ чиглэлээр ажиллаж буй мэргэжилтнүүдэд дэмжлэг үзүүлэх зорилготой. Мөнхчулуун сан нь Мэргэжлээс шалтгаалах өвчин судлалын үндэсний төвтэй байгуулагдсан цагаасаа хойш нягт хамтран ажиллаж ирсэн. Өнгөрсөн хугацаанд олон нийтэд хөдөлмөрийн аюулгүй байдал, эрүүл ахуйн мэдлэг олгох зорилгоор эрдэм шинжилгээ, сурган хүмүүжүүлэх үйл ажиллагаанд дэмжлэг үзүүлж, олон нийтэд сурталчлах ажлыг өрнүүллээ. Мөн Монгол Улсад шинжлэх ухаан, техник, технологийн сүүлийн үеийн ололт амжилт, эрүүл мэндийн салбарын хандлагыг дэмжих болно. Мөн Мөнхчулуун сан нь хөдөө орон нутагт ажиллаж, амьдарч буй иргэдийн эрүүл мэнд, хөгжил, боловсрол, сайн сайхны төлөөх бодлогыг сурталчлах зорилготой. Үүнтэй холбогдуулан хөдөө орон нутгийн иргэдийн эрүүл мэндийн тусламж, үйлчилгээний хүртээмжийг сайжруулах, орчин үеийн боловсронгуй тоног төхөөрөмж, хэрэгслээр хангах, хүүхэд залуучуудын боловсролд хөрөнгө оруулалт хийхээр чармайна